Viðbótarlífeyrir er valkvæð nauðsyn Viðbótarlífeyrir Allianz

Viðbótarlífeyrir Allianz

Örskýring á 30 sekúndum Viðbótarlífeyrir Allianz

  • Viðbótarlífeyrir Allianz er séreignarsparnaður, stundum kallaður viðbótarlífeyrissparnaður, þar sem launþegi leggur fyrir 4% eða 2% af launum sínum. Samkvæmt gildandi kjarasamningum greiðir atvinnurekandi 2% mótframlag, sem er í raun launahækkun sem hlýst um leið og þú byrjar að leggja fyrir.
  • Viðbótarlífeyrir Allianz er langtímasparnaðarleið fyrir alla launþega sem hafa náð 18 ára aldri.
  • Ólíkt öðrum viðbótarlífeyrissparnaði á Íslandi er Viðbótarlífeyrir Allianz tryggður í evrum út samningstímann.
  • Sparnaðurinn er ekki aðfararhæfur, þ.e. ekki er hægt að ganga að sparnaðinum til dæmis við gjaldþrot.
  • Tekjuskattur er greiddur við úttekt lífeyris.

Reiknaðu þinn Viðbótarlífeyri

Af hverju að vera með Viðbótarlífeyri

Af

Öllum íslenskum launþegum er skylt að greiða í lífeyrissjóð. Hinn skyldubundni lífeyrir er einungis hluti af meðallaunum ævinnar og geta því tekjurnar lækkað um allt að helming við starfslok.

Viðbótarlífeyrir Allianz tryggir hærri lífeyrisgreiðslu og brúar bilið á milli lágmarksframfærslu og hefðbundinna lífeyrisgreiðslna.

Viðbótarlífeyrir Allianz er tryggingasamningur um að viðbótariðgjaldi sé ráðstafað til kaupa á lífeyristryggingu. Ólíkt öðrum viðbótarlífeyri á Íslandi er sparnaðurinn tryggður í evrum út samningstímann. Þýska ríkið heldur uppi mjög virku eftirliti með störfum þarlendra tryggingafélaga og gilda strangar reglur um fjárfestingastefnu þeirra.

100% tekjur við starfslok
Panta ráðgjöf

Veldu leið sem hentar þér

Þegar þú velur að eiga viðskipti við Allianz á Íslandi stendur þér til boða að velja ávöxtunarleið sem best hentar þínum þörfum og markmiðum. Meiri trygging veitir aukið öryggi en takmarkar möguleika á tækifærismiðuðum fjárfestingum. Minni trygging býður upp á meira svigrúm fyrir ávöxtun, en getur einnig valdið sveiflum á samningstímanum.

Hægt er að lesa sér til um ávöxtunarleiðirnar hér að neðan.

KD-VS-P-antexta3

Um KomfortDynamik
Um Perspektive

Viðbótarlífeyrir Allianz Gott að vita

Viðbótarlífeyrir Allianz er fyrir þá sem hugsa til framtíðar

Hugsað til framtíðar

Viðbótarlífeyrir Allianz er fyrir þá sem hugsa til framtíðar og vilja auka lífeyrisgreiðslur sínar við starfslok. Um er að ræða langtímasparnað fyrir fólk frá 18 ára aldri.

Fjárfestingarstefna Allianz

Fjárfestingarstefna

Að lágmarki fjárfestir Allianz 70-80% í öruggum fjárfestingum, s.s. skuldabréfum innan ESB, húsnsæðislánum og öðrum öruggum fjárfestingum.

Um skatta og gjöld

Skattar og gjöld

Skattafrestun er á inngreiddum iðgjöldum og er sparnaðurinn ekki aðfararhæfur. Það þýðir að ekki er hægt að ganga að honum vegna fjárhagslega skuldbindinga. Greiddur er tekjuskattur við útgreiðslu lífeyris.

Mótframlag launagreiðanda í séreignasparnað

Mótframlag

Viðbótarlífeyrir Allianz er séreignarsparnaður þar sem launþegi leggur fyrir mánaðarlega 2% til 4% af launum sínum. Atvinnurekandi greiðir mótframlag við sparnaðinn samkvæmt gildandi kjarasamningi hvers og eins. Algengasta mótframlag atvinnurekenda er 2% en er þó hærra samkvæmt sumum kjarasamningum.

Útgreiðslu valmöguleikar Viðbótarlífeyris

Útgreiðsla

Við samningslok er val við útgreiðslu fjölbreytt.

  • Ævilangur lífeyrir þ.e.a.s. mánaðarlegar lífeyrisgreiðslur
  • Eingreiðsla
  • Blönduð úttekt eingreiðslu og mánaðarlegra lífeyrisgreiðslna

Þjónusta Allianz á Íslandi

Þjónusta Allianz á Íslandi

Allianz rekur umboð á Íslandi, þar sem viðskiptavinir geta fengið upplýsingar og aðstoð sem þeir óska.

Sparnaðartrygging hentar þeim sem vilja..

  • tryggða ávöxtun
  • vernd gegn sveiflum vegna markaðsáhrifa
  • spara til lengri tíma

Sparnaðartrygging hentar ekki þeim sem vilja..

  • geta tekið meiri áhættu á kostnað þess að tryggja sparnaðinn
  • meiri sveigjanleika í úttektum á samningstímanum
Skoða nánar

Saman sjáum við lengra

Panta ráðgjöf

Ráðstöfun séreign­ar­sparnaðar við fyrstu kaup

woman_cheering_in_front_of_calculator

Þann 1. júlí 2017 tóku gildi lög um stuðning til kaupa á fyrstu íbúð. Heimilt er að nýta séreignarsparnað skattfrjálst, annað hvort til fasteignakaupa og/eða til að greiða inn á húsnæðislán. Hægt er að nýta úrræðið í 10 ár. Úrræðinu er ætlað að styðja við þá sem eru að kaupa sína fyrstu fasteign.

Skoða nánar

Munurinn á tryggingasamningum og fjárfestingarsjóðum

Skoða málið

Er eitthvað annað sem við getum aðstoðað þig með Önnur þjónusta sem Allianz á Íslandi veitir

Lífeyrisviðauki Allianz

Lífeyrisviðauki

Hámarkaðu lífeyrisgreiðslurnar við starfslok

Skoða nánar

Með Lífeyrisviðauka Allianz má tryggja að þú haldir allt að 100% af ráðstöfunartekjum þínum við starfslok.

Líftrygging hjá Allianz

Líftrygging

Á einhver allt sitt undir

Skoða nánar

Líftrygging er ein mikilvægasta trygging sem hver og einn ætti að hafa. Líftrygging þjónar þeim tilgangi að tryggja fjárhagslegt öryggi eftirlifenda. Enginn ábyrgur framfærandi fjölskyldu ætti að vera án líftryggingar.

Af hverju að vera með Viðbótarlífeyri

Tilgreind séreign

Vertu með þér í liði

Skoða nánar

Tilgreind séreign er tegund séreignarsparnaðar þar sem aðilar að kjarasamningum milli ASÍ og SA, geta ráðstafað allt að 3,5% af lífeyrisiðgjöldum sínum í tilgreinda séreign.

Algengar spurningar og svör Hvað vilt þú vita?

Viðbótarlífeyrir

Ef þú ert með viðbótarlífeyrissparnað þarftu að tilkynna okkur um nýjan launagreiðanda. Við munum þá senda honum afrit af samningum þínum.

Tilgreind séreign

  • Ef þú heldur áfram að greiða í sama lífeyrissjóð þarf ekkert að gera.
  • Ef þú skiptir um lífeyrissjóð þarftu að fara inn á sjóðsfélagavef nýja sjóðsins og óska eftir að tilgreind séreign verði ráðstafað til Allianz.

Umsóknarferlið getur verið mismunandi eftir lífeyrissjóðum. Við erum reiðubúin að fara yfir málið með þér og aðstoða ef þarf, svo ekki hika við að hafa samband. Þú getur haft samband í síma 595 3300 eða með því að senda tölvupóst á [email protected].

Allianz er skylt samkvæmt þýskum lögum að skila 90% af umframhagnaði aftur til viðskiptavina (þ.e. umfram þá ávöxtun sem áætluð var við upphafs samnings). Allianz hefur verið að skila 94-98% sem þýðir að Allianz gerir betur en lofað er. Viðskiptavinir Allianz njóta góðs af því, ekki eingöngu fyrirtækið.

Uppsagnarvirði er inngreidd iðgjöld ásamt ávöxtun að frádregnum kostnaði við samning. Uppsagnarvirði kemur eingöngu til ef samningi er rift fyrir samningslok og inneign flutt til annars vörsluaðila eða greidd út í þeim tilfellum sem það er heimilt samkvæmt lögum.

Millifærslugjald er það gjald sem er greitt samkvæmt gjaldskrá Íslandsbanka fyrir hvert iðgjald sem er sent til Allianz í Þýskalandi. 1€ fyrir hverja færslu.

Já, hægt er að stöðva greiðslur tímabundið hvenær sem er á samningstímanum án tímatakmarkana. Hafa skal samband við skrifstofu Allianz í síma 595-3300 eða senda tölvupóst á [email protected] ef óskað er eftir að stöðva greiðslur eða ef greiðslur munu stöðvast af öðrum ástæðum (t.d. vegna veikninda eða náms).

Ef iðgjöld hætta alfarið að berast fer samningurinn í svokallað "iðgjaldafrí" þar sem inneign ávaxtast til samningsloka.

Já, það er hægt hjá Allianz eins og öðrum vörsluaðilum.

Iðgjöld inn á lán: Þegar sótt hefur verið um að ráðstafa iðgjöldum inn á lán í gegnum www.leidretting.is er samningurinn settur í bið hjá Allianz í Þýskalandi. Iðgjöld sem eru umfram heimild RSK eru geymd á biðreikningi í nafni samningshafa þar til úrræðinu lýkur.

Fyrstu kaup: Einnig er hægt að nýta úrræðið fyrir fyrstu kaup. Nánari upplýsingar má finna hér og sótt er um að nýta úrræðið á skatturinn.is.

Millifærslugjald: Allianz tekur 250 kr. gjald af hverri millifærslu til að mæta tækni- og bankakostnaði, í samræmi við reglugerð um húsnæðisúrræðið.

Mikilvægt: Að tilkynna til skrifstofu Allianz ef þátttöku í úrræðinu er hætt og verður þá samningurinn endurvakinn í Þýskalandi.

Til að viðskiptavinir geti nýtt sér tímabundna heimild til að nota lífeyrissparnað til að greiða niður húsnæðisskuldir samþykkti Allianz Lebensversicherung AG að frysta tryggingarsamninga á meðan úrræðið stendur yfir.

Þetta þýðir að:

  • Samningurinn er frystur tímabundið
  • Öll iðgjöld sem eru greidd á þessum tíma fara á sérstakan ISK biðreikning
  • Fjárhæðir sem fara yfir hámark ráðstöfunar safnast upp á þessum reikningi
  • Þegar úrræðinu lýkur eru allar uppsafnaðar fjárhæðir greiddar inn á tryggingarsamninginn

Með þessu geta viðskiptavinir nýtt sér úrræðið án þess að þurfa að segja samningi sínum upp.

Samkvæmt lögum er heimilt að hefja úttekt á viðbótarlífeyrissparnaði þegar einstaklingur nær 60 ára aldri.

Viðskiptavinir Allianz hafa val um útgreiðslu:

A) Eingreiðsla
B) Ævilangur lífeyrir
C) Flytja inneign til annars vörsluaðila

Já, hægt er að framlengja í allt að 5 ár frá upprunalegum samningslokum.

Erlendir ríkisborgarar (bæði innan og utan EES-svæðisins) geta sótt um útgreiðslu á inneign í Viðbótarlífeyri Allianz þegar þeir flytja frá Íslandi, sbr. 4. mgr. 19. gr. laga nr. 129/1997.

Þetta á þó aðeins við ef slík endurgreiðsla er ekki óheimil samkvæmt milliríkjasamningi milli Íslands og heimalands viðkomandi.

Eftirfarandi gögn þarf að leggja fram:

  • Afrit af vegabréfi
  • Staðfesting á flutningi úr landi frá Þjóðskrá

Ef þú hefur verið metinn til örorku getur þú rétt á að fá inneignina greidda út. Framvísa þarf staðfestingu frá Tryggingastofnun ríkisins (TR).

Útborgunartími:

  • Að lágmarki 7 ár*
  • Eða á þeim tíma sem vantar upp á 60 ára aldur

*Eingreiðsla: Ef innstæðan er undir ákveðnum viðmiðum greiðist hún út í eingreiðslu. Viðmiðið er 500.000 kr. vísitölutryggt frá 1996 (1.879.968 kr. í ágúst 2025) og uppfærist mánaðarlega miðað við vísitölu neysluverðs."

Útgreiðsla á viðbótarlífeyrissparnaði hefur almennt ekki áhrif á útreikning lífeyrisgreiðslna (elli-, örorku-, slysa- og endurhæfingarlífeyris og tengdra greiðslna) frá Tryggingastofnun.

Útgreiðsla á viðbótarlífeyrissparnaði getur haft áhrif á heimilisuppbót.

Þetta á bæði við útgreiðslu til rétthafa og lögerfingja.

Útgreiðsla til lögerfingja við andlát

Erfðaskipti: Ef samningshafi fellur frá skiptist inneignin milli erfingja samkvæmt íslenskum lögum um hjúskap og erfðir:

  • Ef samningshafi er giftur/í sambúð og á börn: Maki fær 2/3 og börn fá 1/3 af inneigninni
  • Ef samningshafi á ekki börn: Maki erfir alla inneignina
  • Ef samningshafi á ekki maka: Börnin erfa alla inneignina
  • Ef samningshafi á hvorki maka né börn: Inneignin rennur til dánarbúsins

Skattaleg áhrif: Tekjuskattur er greiddur við útgreiðslu.

Útgreiðsluferli: Allianz á Íslandi sér um öll samskipti við Allianz í Þýskalandi og annast nauðsynlega gagnaöflun. Ef frekari gagna er þörf verður haft samband við umboðsmann dánarbúsins.

Ferlið tekur yfirleitt nokkrar vikur og þurfa lögerfingjar að leggja fram skilríki og bankaupplýsingar.