Á nýjum launagreiðendavef Allianz er nú hægt að senda inn rafrænar skilagreinar sem og sjá yfirlit yfir senda skilagreinar á sama staðnum.
Athugið að innskráning fer fram með rafrænum skilríkjum á farsíma notanda.
Við fyrstu innskráningu þarf að óskar eftir aðgangi að fyrirtæki, við það sendist kóði á heimabanka viðkomandi fyrirtækis undir rafræn skjöl, sá kóði er síðan notaður til að tengja þín rafrænu skilríki við viðkomandi fyrirtæki.
Allianz
Kennitala: 580991-1069
Banki: 0518-26-850000 – Íslandsbanki, Norðurturni, Hagasmára 3, 201 Kópavogi
Netfang skilagreina: [email protected]
Lífeyrissjóðsnúmer 941
Dalshrauni 3, 220 Hafnarfirði
Netfang: [email protected]
Sími 595 3300
Gjalddagi – 10. dagur næsta mánaðar á eftir launatímabili.
Eindagi – síðasti dagur næsta mánaðar á eftir launatímabili.
Ef iðgjöld eru ekki greidd á réttum tíma eru reiknaðir dráttarvextir á gjalddaga til greiðsludags.
Innheimtuferli hefst ef skilagrein hefur borist en ekki iðgjald eða launþegi hefur samband vegna vangoldinna iðgjalda.
Launagreiðanda er sent innheimtubréf og honum gefinn frestur til að standa skil á iðgjaldinu.
Ef innheimta ber ekki árangur er iðgjaldið sent í milliheimtu til Motus og þaðan í lögfræðiinnheimtu.
Launagreiðanda er skylt að draga viðbótarlífeyrissparnað frá launum og greiða til þess vörsluaðila lífeyrissparnaðar sem launþegi velur.
Allianz á Íslandi hefur milligöngu á innheimtu iðgjalda í viðbótarlífeyrissparnað skv. samningi milli launþega og vörsluaðilans Allianz Lebensversicherung AG í Þýskalandi.
Launagreiðendur senda inn skilagreinar og iðgjöld sem eru áframsend mánaðarlega til Allianz í Þýskalandi. Nema í þeim tilfellum ef launþegi hefur ákveðið að ráðstafa iðgjöldum sínum inn lán til þeirra lánveitenda sem umsækjendur hafa valið skv. heimild í lögum.
Til þess að eiga möguleika á að fá greidd iðgjöld frá Ábyrgðarsjóði launa þarf að haga innheimtu iðgjalda í vanskilum með ákveðnum hætti. Ábyrgðin takmarkast við allt að 4% viðbótarlífeyrissparnað samkvæmt samningi um viðbótartryggingavernd og ákvæði í kjarasamningum. Ábyrgð sjóðsins nær til krafna sem hafa gjaldfallið á síðustu 18 mánuðum fyrir gjaldþrotaúrskurð vinnuveitenda eða réttur hefur unnist til þeirra á því tímabili.